(1) 我由細到大都冇乜朋友仔 (等o左咁耐先有人 tag 我就知) 傾得最多心事的的 "網友"
(2) 我從來都冇主動約人, 所以小學 or 中學的朋友仔都 keep 唔到。我幻想過當我要結婚的時候, 都唔知搵邊個做姊妹, 邊度搵舊同學...... (哈哈, 不過呢個問題有排都未使諗住)
(2) 細個o既我, 起學校係唔講野的, 被迫答問題時, 把聲細聲到連前面的同學都聽唔到
(3) 中學開始改善, 到而加..... 雖然我自問都係 "唔識講野" 的人, 但比小時候好好多了
(4) 我最鍾意 目訓 覺, 唔使返工就會 目訓 到 12-1pm 先起身食 lunch
(5) Oncall 冇得 目訓 唔 緊要, 但係冇飯食我就會發癲
(6) 我最錫o既係我屋企人, 包括兩隻貓貓 (佢地都係我屋企人)
(7) 當初話要養貓的人唔係我, 而係我細佬。(其實佢想養狗, 不過媽咪唔俾, 結果某年暑假去o左愛護動物協會領養o左隻貓 ---- Miumiu) 自此我就開始喜歡貓。喜歡貓,都是因為 Miumiu。
(8) 歷年上網玩的野: ICQ, 整網頁, newsgroup, MSN, xanga.... 而加係 facebook
(9) 唔識打扮, 到而加仲未學識化妝....
(10) 最鍾意食任何 "熱氣" o既野, 炸的, 脆的 東西
(11) 每天放工最 enjoy 就係同細佬一邊食薯片, 一邊追電視劇
(12) 由細到大都冇諗過讀醫 (嘻嘻~ 我小時候的志願是 "芭蕾舞老師" )。報 JUPAS 時, 我想報牙醫的, 不過屋企人話讀醫好 (咁咪報囉.... 諗住讀醫咁難入, 都唔會到我) 點知又俾我撞入o左
(13) Year 1 覺得自己會鍾意 "兒科" (因為喜歡小朋友)。到 Year 4 上完 O&G 先發現自己鍾意 O&G
(14) 2007 年的 5、6月係一生中唔開心的。因為爸爸病了.... 工又搵唔到....
(15) 搵工真係好 traumatic 的。在 QEH Fam Med 做了 3 個月, 遇到很好的 team head Dr Yip (後來幫我婆婆做手術)。接著十分幸運地能夠 transfer 去 UCH O&G ! 所以我現在很喜歡每天的工作, 就算 call 得幾辛苦, 對住 d 幾無理的病人都好.... 起碼我而加做緊我鍾意的野丫 !!!
(16) 我其實由 4歲半開始學跳芭蕾舞, 跳到 form 6 就停了。而加講出o黎好多人都唔信 (我想是因為我的肚腩實在太明顯)。

寫下寫下就越寫越多.........16 項...... 對我o黎講真係唔夠寫呢........